كتبت ندى سليم
حصل"اليوم السابع"على نص تحقيقات النيابة العامة فى مصرع طالب الطب أحمد مدحت يوم 29 أغسطس الماضى بالقضية المعروفة بـ" قتيل النادى الصحى بمدينة نصر"، وكشفت أن الطالب قفز من شقة "النادى الصحى" خشية القبض عليه بعد بمداهمة الشرطة باعتبار النادى الصحى ستارا لممارسة الدعارة.
وذكرت تحريات رجال مباحث إدارة حماية الآداب، عقب ورود معلومات من مصدر سرى باستغلال نادى صحى يديره شخص يدعى "أحمد.ح"، فى شارع أحمد الزمر بالحى العاشر لمدينة نصر لممارسة الدعارة بتقديم الساقطات لراغبى المتعة الجنسية الحرام، نظير أجر مادى بما يخالف القانون.
وأضافت التحريات، بعد التأكد من صحة المعلومات داهمت قوة الشقة وضبطت 4 سيدات وطفلة صغيرة و3 رجال، فضلا عن فتاة ألقت بنفسها من أحد منافذ الشقة وكذلك طالب كلية الطب "أحمد مدحت" 22 عاما، الذى فارق الحياة وعثرت القوة على حقيبة بجوار جثته بها "واقى ذكرى"، وحافظة نقود تحوى 435 جنيها، وبطاقتى ائتمان واستدعت نيابة شرق القاهرة الكلية، عددا من المتهمين لسماع أقوالهم.
المتهم الأول
وإلى نص التحقيقات مع المتهمين:
سألت النيابة أحد المتهمين عن اسمه ومهنته ؟فأجاب : "محمد. س"، 29 سنة مهندس كمبيوتر
- ما تفصيلات اعترافك؟أنا بروح الشقة دى من أسبوع فات وأنا عارف انها بتشتغل فى المساج ولما دخلت الشقة دى لقيت أسعار لحاجات جنسية، وتانى مرة روحت كنت لسه مستنى دورى وخلعت لبسي وكنت قاعد مع واحدة جوة بس معملتش حاجة وفجأة سمعت صوت زجاج بيتكسر وناس فتحت الباب علينا انا واللى كنت معاها وخدونا .
- ماهو سبب تواجدك بهذا المكان سالف الذكر؟أنا بروح المكان ده بغرض تلبية احتياجاتى الجنسية .
-ما عدد المرات التى ترددت بها على هذا المكان ؟مرتين منهم المرة اللى اتمسكت فيها .
- ما لمقابل المادى الذى تدفعه ؟بدفع حوالى 300 جنيه.
-وما كيفية تعرفك على هذا المكان تحديد؟تعرفت عليه عن طريق إعلان بجريدة إعلانية أسبوعية معروفة وكنت فاكره بتاع مساج وبعدين اكتشفت إنه ليه حاجات تانية.
- هل توجد بينك والمضبوطين الآخرين سابق معرفة؟معرفش حد منهم خالص .
- ما قولك فيما ورد بمحضر إدارة مباحث الآداب سالف الذكر؟أيوة يا فندم حصل.
المتهم الثانى
كما استمعت النيابة إلى أقوال المتهم الثانى "شعبان.ح"، 29 سنة، صاحب مكتب ديكور
ما تفصيلات اعترافك؟اللى حصل إن أنا أول مرة اروح الشقة دى ودخلت جوة مع واحدة ومارست معها الجنس بشكل غير كامل فى مناطق معينة، وبعد ما خلصت اديتها 350 جنيه ودخلت أخد حمام لقيت الشرطة جات وأخدونى.
- ما كيفية معرفتك بالمكان سالف الذكر؟انا كان هدفى أعمل مساج بس هم عرضوا عليا حاجات تانى.
-كيف تعرفت على هذا المكان؟عن طريق جريدة إعلانية أسبوعية معروفة
-هل شاهدت المتوفى أحمد مدحت؟لا مشفتوش خالص أنا سمعت صوت زجاج بيتكسر
هل توجد بينك والمتهمين الآخرين أى معرفة سابقة ؟لا خالص أنا أول مرة أشوفهم فى المكان دا.
حارس العقار
وبسؤال حارس العقار الكائن فيه النادى الصحى
قال : اسمى "رضا .ا"29 سنة
-ما أقوالك بشأن الواقعة محل التحقيق؟اللى حصل أن أنا حارس العقار وكنت واقف فى الشارع وفجأة لقيت واحد نط من الدور الأول ووقع وفى واحدة وقعت من الجنب التانى في نفس الدور رمت نفسها فكلمنا الإسعاف وجت أخدتهم بس الواد كان مات.
-هل كان أحد برفقتك ؟لا كنت لوحدى.
-ما هو مكان تواجده؟هو نط من الدور الأول علوى.
-هل تسبب أحد فى إلقائه؟معرفش هو نط وقبلها كانت الشرطة طلعت فوق
-هل توجد بينك والمتوفى سابق معرفة ؟لا أول مرة أشوفه
-هل توجد شبهة جنائية في وفاة أحمد مدحت ؟لا مفيش شبهة خالص
هل لديك أقوال أخرى؟معرفش حاجه عن الشقة دى اللى أعرفه إنها نادى صحى.
المتهمة لطيفة:
وبسؤال متهمة قالت : اسمى" لطيفة.ع" 24 سنة.
-ما قولك فيما منسوب إليك من اتهامك بالاعتياد على ممارسة الدعارة مع الرجال مقابل أجر مادى ؟محصلش ومعملتش حاجه
-ما الذى حدث وما هى ظروف ضبطك وإحضارك؟اللى حصل انى شغالة فى مركز مساج اللى حصلت فيه الواقعة ولقيت الشرطة دخلت علينا وجابونا هنا.
-ما هى طبيعة عملك؟مساج رجالة وستات
-منذ متى تعملين فى هذا العمل ؟بقالى أسبوع
وما كيفية ضبطك؟أنا كنت مع زبون جوا والشرطة دخلت علينا وساعتها سمعت صوت زجاج بيتكسر وعرفت إن واحد نط من الشباك.
هل توجد بينك والمتهم شعبان أى علاقة؟كنت بعمل له مساج بس ومعملتش حاجه تانى
- ما قولك فى التحريات الواردة بممارستك الدعارة مع الرجال؟محصلش الكلام دا.
المتهمة إسراء
وبسؤال المتهمة التى ألقت نفسها من النادى الصحى قالت: اسمى "إسراء .ح" 24 سنة سكرتيرة بالنادى الصحى
-ما قولك فيما منسوب إليك فى اتهامك بالاعتياد على ممارسة الدعارة مع الرجال؟محصلش
-ما لذى حدث وما هى ظروف ضبطك؟اللى حصل إنى كنت قاعدة فى المركز ولقيت مباحث الآداب دخلت علينا قالولى خليكى مكانك ولما سألوا واحد كان جنبى راح رمى نفسه من الشباك ، وانا رميت نفسى وده كل اللى حصل.
-ما طبيعة عملك فى هذا المكان تحديدا؟سكرتيرة منذ شهر مايو الماضى.
- ما الذى حدث حال تواجدك بالمكان؟أنا كنت قاعدة فى مكانى لقيت المباحث دخلوا علينا وفى واحد كان قاعد فى الريسبشن رمى نفسه من الشباك.
- هل تسبب أحد فى إلقاء المتوفى ؟هو اللى رمى نفسه وكسر الزجاج ونزل على الأرض
- ماسبب قيامه بذلك؟معرفش ليه عمل كده هو خاف.
- ما التصرف الذى بدر منك؟انا خفت برضه ورميت نفسي.
-ما سبب قيامك بذلك؟خوفت منهم ورميت نفسي.
نص التحقيقات فى القضية
تحقيقات قضية أحمد مدحت
نص التحقيقات
صورة من نص التحقيقات فى القضية
نص التحقيقات فى قضية مدحت
نص التحقيقات.
تحقيقات قضية أحمد مدحت صورة ضوئية
لا يوجد المزيد من التعليقات.
جميع الحقوق محفوظة لمصدر الخبر اليوم السابع وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
