أخبار عاجلة

«آسف يا ريس» عن عصر مبارك: «عايزينه يطير في الهوا ولا يمشي على المية»

«آسف يا ريس» عن عصر مبارك: «عايزينه يطير في الهوا ولا يمشي على المية»
«آسف يا ريس» عن عصر مبارك: «عايزينه يطير في الهوا ولا يمشي على المية»
واصلت صفحة "أنا آسف ياريس"، المؤيدة للرئيس الأسبق حسنى مبارك، الدفاع عنه وإبراز الجوانب الإيجابية خلال فترة حكمه للبلاد.

وقال "أدمن" الصفحة عبر موقع "فيس بوك"، الأحد: "مرة واحد غير مبدع استلم بلد علاقتها مقطوعة مع كل الدول العربية ومقر الجامعة منقول لتونس قدر يرجعها من غير ما يتنازل عن السلام اللى هو كان السبب في قطعهم للعلاقات أساسا".

وأضاف: "استلم بلد رئيسها مقتول وسط جيشه والإرهاب مفرتكها وأسيوط والصعيد على وشك السقوط تحت سيطرة عصام عبد الماجد والفراخ بتنزل الجمعيات كل شهر ومفيش تليفونات ولا مية ولا كهربا ولا احتياطي نقدى وعائد السياحة 80 مليون دولار في السنة و3 جامعات بس في الجمهورية، واللى كان بيجيب مروحة من الخليج كان بيبقى اختراع و2 مليون فدان مساحة زراعية".

وتابع: "قدر غير المبدع ده يرجع طابا ويعمل احتياطي نقدى 51 مليار دولار والسياحة توصل لـ 18 مليار في السنة ومعدل نمو 7% و45 مدينة جديدة وجامعة في كل محافظة ومدن صناعية في كل حتة ومساحة زراعية اتضاعفت 3 مرات والشعب عرف المطاعم والمولات والتكييفات والموبايلات والنت والعربيات النضيفة وقضى على البلهارسيا وشلل الأطفال وعمل مشروع عبقرى اسمه القراءة للجميع ومشروع حاسب آلى في كل بيت وفضل محافظ على الدعم كل ده".

وأردف: "وغير المبدع ده ماستلفش دولار أخضر من سنة 1992 وسابنا واحنا مديونيتنا الخارجية 27 مليار دولار فقط نصيب الفرد 300 دولار وهى من أقل المديونيات في العالم رغم أن عدد السكان في عصره شهد أعلى معدل زيادة في تاريخه من 40 مليون إلى 85 مليون نسمة، نفسى أفهم إيه تعريفكم للإبداع: عايزينه يطير في الهوا مثلا ولا يمشى على المية؟".

جميع الحقوق محفوظة لمصدر الخبر فيتو وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى برلماني: وزارة التموين لا تمتلك إستراتيجية واضحة وتستسهل رفع الأسعار