بالفيديو.. علا رشدي تكشف سبب تقديمها «وجهة مظر»

استضافت الإعلامية منى الشاذلى خلال حلقة الليلة من برنامج "معكم" الفنانة علا رشدى زوجة الفنان أحمد داود، وتحدثت علا عن علاقتها بزوجها وأبنائها وكشفت خلال الحلقة عن السبب الذي دفعها لتقديم فيديوهات بعنوان "وجهة مظر".

علا ذكرت أن أبناءها "أشقيا ومجانين"، على حد تعبيرها، وقالت "فيه ناس بتقول لى ما هو انتى كمان مجنونة فبقول لهم لأ والله أنا عاقلة جدًا بس هما اللى بيجننونى".

وأوضحت أن ابنتها جميلة تتعامل مثل البنت الشابة رغم صغر سنها، قائلةً "بنتى جميلة عندها 6 سنين وهى شقية جدًا وشخصية ست صغيرة يعنى قروبة وبتحب الفاشون وبتلبس نفسها من وهى عندها سنتين وعايزه تبقى نجمة".

وتابعت "فيديوهات البيت دى كنت بعملها كده للترفيه وكان نفسى أقدم برنامج أطفال بس قالوا لى مفيش حد هيشترى برامج أطفال فمع الوقت ولما خلفت بقيت أصور الحاجات دى مع ولادى ومع الوقت حسيت انى مش عايزه أبقى مذيعة وكنت عايزه أقدم الحقيقى والواقع اللى عايشاه كأم".