الخميس 02/فبراير/2017 - 04:00 م
وقال الحضرى بتلقائيته المعهودة: "معلش استحملونا اليومين ثلالة دول عشان نركز ونقدر نحقق حلم المصريين، عارفين انا ليه طولت فى السجدة لما صديت كرتين عشان كنت بدعى ربنا واقول يارب الـ 92 مليون يفرحوا النهاردة، والحضن الكبير مع كابتن ناجى لأنى وعدته فى "الاكسترا تايم" انى اصد ضربتين والحمد لله ربنا قدرنى، هو طلب منى كدة قالى ادينى اتنين ياحضرى، قلتله حاضر وربنا كرمنى".
وأكد الحضرى أنه أسعد شخص بعد الفوز على بوركينا فاسو.. وقال: "مصر إدتنا كتير ولابد من رد الجميل لها، بالحصول على بطولة أفريقيا وتحقيق إنجاز أهم ما يميز المنتخب الوطنى هو العزيمة والحب والانتماء، وهو الفرق بين المنتخب الوطنى وأى منتخب آخر فى العالم، حيث يمتاز لاعبو الفراعنة بحالات ود كبيرة فيما بينهم.
وعبر عن سعادته بالفترة التى قضاها داخل النادى الأهلى، قبل احترافه فى سيون السويسرى، مشدداً على أنه يعتز بتلك الفترة التى وصلت إلى 14 عاماً، متمنيا العودة إلى الأهلى فى أقرب وقت.. وقال الأهلى صنع اسم عصام الحضرى، انا اتعرفت دوليا وافريقيا ومحليا من خلال الاهلى واتمنى العودة له فى أقرب وقت، ولكن القرار ليس قرارى وإنما قرار مجلس إدارة النادى، مشددا على احترامه لرغبة جمهور الأهلى وفى حال عودته سيكون قد حقق الحلم بالعودة إلى بيته، وفرحته بالحصول على لقب أمم أفريقيا الحالية، سيعادل فرحته بالعودة لبيته الكبير تحقيق الكاس كانى رجعت للاهلى تانى".
واثنى الحضرى على الجهاز الفنى قائلا: "احنا معانا جهاز فنى فيه ميزة حلوة اوى انهم ايد واحدة مترابطين اوى بيتحركوا مع بعض وعلى طول بيشتغلوا طول اليوم وتقريبا مابيناموش، ده طبعهم، وكوبر ده مدرب لازم نرفعلوا القبعة مش بيبطل شغل".
اما عن قصة جامايكا فقال الحضرى: "دي حاجة باخدها بضحك شوية ولا تفرق معايا أصلا ولا هتقلل مني،
الجامايكا بتاعي هو الصلاة والأذكار والدعاء والاجتهاد والتركيز في التدريب، كوبر واللاعيبة بيقولولي يا جامايكا وبكون سعيد، ولو جامايكا دي هتسعدني وتسعد مصر يارب تكمل معايا طول العمر".
جميع الحقوق محفوظة لمصدر الخبر جورنال مصر وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
