أخبار عاجلة

فيديو..مؤيد للسيسي:"بعت دهب مراتي عشانك ودلوقت مش لاقي أأكل عيالي"

فيديو..مؤيد للسيسي:"بعت دهب مراتي عشانك ودلوقت مش لاقي أأكل عيالي"
فيديو..مؤيد للسيسي:"بعت دهب مراتي عشانك ودلوقت مش لاقي أأكل عيالي"

كتب : بوابة الأربعاء، 05 أكتوبر 2016 08:51 ص
وجه أحد مؤيدي الرئيس عبدالفتاح رسالة شديدة اللهجة بسبب سوء الأوضاع الاقتصادية التي تشهدها مصر بسبب ارتفاع الذي أدي بدوره إلى ارتفاع جنوني للاسعار.

وطالب المواطن "أحمد" بإقالة جميع أعضاء وتغيير اسم المجلس إلى "مجلس الشعب" لكي يكون معبرًا عن المواطن .

وقال في مداخلة مع برنامج العاشرة مساءً الذي يقدمه الإعلامي وائل الإبراشي: "الأستاذ عاطف اللي استحمل ، أنا عندي 3 أطفال كلهم في مدارس وأنا راجل مستورد وأقسملك بعزة جلالة الله أن انا من قبل شهر رمضان ما دخل بيتي جنيه ووقفت البضاعة بتاعتي و ربنا ينجينا من البلد دي، وبقول للأستاذ عاطف أنا لسة جايب بـ3 جنيه عيش فينو و 4 زبادي ونصف لتر لبن وشيبسي وحلويات للعيال ب37 جنيه ".

وأضاف: "أطالب بإقالة الفاشلة اللي خلت ضرب الجنيه غرقه، وفي كارثة تانية أن الجمارك المصرية بتحاسبك على البنكي يعني لو جايبين حاوية بـ100 ألف ولما في البنك يبقى بـ14 جنيه يبقى الحاوية دي هتبقى بـ140 ألف .. مين اللي هيدفع الزيادة في سعر الحاوية؟ الشعب".

وأردف: "أنا واحد من الناس خلاص .. كنت عايز أربي عيالي بالحلال بس للأسف الشديد بنتي اللي في تالتة إعدادي بتقولي أنا مش عايزة أعيش في مصر لأنها بتغرق الشباب والتعليم والصحة فاشلين ومفيش حاجة في الدولة عدلة .. دة شقة الطعمية بـ2 جنيه ردًا على الأستاذ اللي تقدر تعيش بجنيه في اليوم " .. مضيفًا: "أنا راجل من مؤيدي الرئيس وأيام ثورة 30 يونيو بعت الدهب بتاع مراتي وعملتله 3000 تيشيرت مكتبتش عليهم اسمي حتى عشان عايز مصر تقوم .. ودلوقت أنا بقوله يا سيادة الريس أنا مخدتش منك حاجة .. أنت كدة بتخليني أسيب عيالي وأهج من مصر .. بحملك ياريس أنت وحكومتك لو عيالي جرالهم حاجة .. وأنا كان نفسي أعلمهم تعليم كويس يطلعوا يخدموا بلدهم بس للأسف أصبحت الدولة المصرية الشمال فيها اللي ماشي".

وتابع: "أنا ريس هقولهالك على الهواء ومستعد للمساءلة ، ياريس أنا بعد 2011 لو كنت عايز أطلع بصاروخ كنت طلعت بس للأسف خفت الله في عيالي وعيالك بس للأسف فيه ناس باعوا ضميرهم ودخلوا البرشام والمخدرات .. ياريس مركب الهجرة الشرعية دي هي نفس المراكب اللي دخلت مخدرات وسلاح .. ياريس حس بينا .. أنا لما انتخبتك وبعت دهب مراتي كنت عايز أعلم عيالي .. وأنت كدة بتخليهم ينحرفوا .. ياريس الناس بتموت .. والله فيه ناس في الأرياف ما لاقية تاكل ".

م .ع
شاهد الفيديو..


جميع الحقوق محفوظة لمصدر الخبر cairoportal وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى اخبار السياسه بالفيديو| السيسي: إحنا في حالة حرب فعلا بنحشد لها من 40 شهر آلاف الجنود