أخبار عاجلة

نجاد البرعي: بعد ما رموا توفيق عكاشة في الزبالة طلعوا عمرو أديب من الثلاجة

نجاد البرعي: بعد ما رموا توفيق عكاشة في الزبالة طلعوا عمرو أديب من الثلاجة
نجاد البرعي: بعد ما رموا توفيق عكاشة في الزبالة طلعوا عمرو أديب من الثلاجة

كتب : متابعات السبت، 08 أكتوبر 2016 08:51 ص

توفيق عكاشة وعمرو أديب

أكد الناشط الحقوقي نجاد البرعي، أن الإعلاميين يتم الاستعانة بهم وقت الحاجة، وكل إعلامي عندما ينتهي دوره، يتم استبعاده، مثل توفيق عكاشة، والآن حان دور عمرو أديب، لكي يدعم وقوف الطبقة الوسطى خلف السلطة في الفترة المقبلة، حسب تعبيره.

وقال "البرعي" في تدوينة عبر حسابه بـ"فيس بوك": "قبل 30 يونيو كانوا محتاجين الطبقات الريفية والفقيرة لدعم صراعهم مع الإخوان لأن الإخوان كانوا متغلغلين في الأرياف أكثر...فطلعوا توفيق عكاشة من الدولاب وبقي تأثيره رهيب علي الطبقات دي واستطاع بصراحة أن يلعب دورا محوريا في الحشد لـ30 يونيو ؛ خلصت حاجتي من جارتي رموا توفيق عكاشة في الزبالة - حسب وصفه - و الراجل قاعد محدش بيسمع عنه حاجة".

وأضاف: "النهاردة هما محتاجين الشرائح الوسطي والعليا من الطبقة المتوسطة تفضل متماسكة خلفهم رغم أنها أكثر من يتعرض للبهدلة ومستواها بينزل وممكن لا قدر الله تنضم للمعارضة وده هيعمل مشاكل ...نعمل ايه يا باشا؟ ..نعمل ايه يا باشا؟ ...نجيب عمرو أديب نطلعه من ثلاجة أوربت اللي كان بيتفرج عليها الطبقة العليوي ونخليه يشتغل مع الطبقة الوسطي بشرائحها .....ويعمل الحركتين ويقول الكلمتين، ويزعق ويعمل حركات بوشه، وده كمان هيعمل عملية تنفيس تخلي في وش المدفع لكن الرئيس والرجالة بتوعه بعيد عن وجع الدماغ ...وعمرو ده صنايعي، ونسيبنا من العك بتاع فلان وعلان اللي ما بقاش ياكل مع الناس" حسب قوله.

وتابع: "الاستراتيجية جميلة وجايز تنجح لفترة لكن لما فواتير الكهرباء هتوصل للناس، وموضوع الشعب يأمر وخفضوا الأسعار مش هينفع، ولما تضطر ناس تبيع عربياتها علشان تعيش؛ أفتكر عمرو أديب مش هينفع وهيبقي مطلوب من مدير الإعلام في مصر يجهز واحد تاني يتلائم مع المرحلة الجديدة، وعلي فكرة هو بيتجهز دلوقتي .شباب زي الورد بيربوهم بالراحة وبيدخلوهم علي البرامج خطوة خطوة اللي هيحتاجوه هيبقي الطبعة الشابة من عمرو أديب وأحمد موسي وكده حسب الأحوال واللي ما ينفعهمش هيخلوه معارضة... احنا ما بنرميش حاجة يا باشا"، حسب تعبيره.

//إ.م

جميع الحقوق محفوظة لمصدر الخبر cairoportal وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى

التالى اخبار السياسه بالفيديو| السيسي: إحنا في حالة حرب فعلا بنحشد لها من 40 شهر آلاف الجنود