عبد العال: «كل برلمانات العالم بتشتغل الساعة ٩ صباحا وإحنا بنبدأ ١٠» عبد العال يرفض طلب الأعضاء بتغيير لجانهم النوعيةأكد الدكتور علي عبد العال رئيس مجلس النواب، أن كل مجالس النواب في العالم تعمل مبكرًا.وقال عبد العال: "كل مجالس العالم بتشتغل الساعة 9 الصبح إحنا اللي بنشتغل الساعة 10".ووجه عبد العال سؤالًا للنواب خلال الجلسة العامة حول موعد بدء الجلسة نظرًا لتأخر وصولهم كل يوم: "الساعة 9 الصبح ولا الساعة 7 الصبح؟ السؤال التالي اللي ميجيش الساعة 9 نعمل له إيه؟ أنا عايز انتوا تقترحوا؟".وتابع: "خلاص خلوها الساعة 10 عشان المواصلات وكده، إنما عايز نبدأ 10 عشان البرلمان يخلص الجلسة الساعة 2 زي كل العالم".وطالب عفيفي كامل عضو مجلس النواب، بعدم عقد اجتماعات اللجان في نفس الوقت، قائلا: "أنا ببقى عايز أحضر اجتماعات لكذا لجنة وكلها بتعقد في نفس الوقت.. طب أنا أعمل إيه؟".ورد عليه الدكتور عبد العال قائلا: "عايز تحضر 25 اجتماعا لـ25 جلسة في نفس الوقت؟ إزاي يا عفيفي؟".فعقب النائب البرلمان: "بتبقى عندي موضوعات وعايز أحضر في كذا لجنة لكن كلها في نفس الوقت"، وقال عبد العال: "لرؤساء اللجان سلطة تحديد الموعد".