#فيتو - #فن - دينا فاروق تهاجم محمد رمضان: لو عملت شخصية السادات تبقى حاجة سخيفة

عبرت الإعلامية دينا فاروق، عن رفضها لمحاولات ظهور الفنان محمد رمضان مع كل حدث مهم، مؤكدة أنه اعتاد استغلال المواقف لصنع نجوميته، والتي كان من بينها التشبه بالنجم أحمد زكي.

ونشرت "دينا"، صورة لرمضان برفقة جيهان السادات، زوجة الرئيس الراحل محمد أنور السادات، وعلقت عليها عبر صفحتها الشخصية على موقع التواصل الاجتماعي "فيس بوك": "الأول يركب على جهد ونجومية أحمد زكي ويقلده عشان قالوله شبهه لما كرهتني أشوف أفلامه.. وبعدين يركب جندي في الجيش وبالبدلة العسكرية وأنا الفدائي محمد رمضان".

وأضافت: "وفي السكة يلطش في إسماعيل ياسين ويغلط، وعايز يصلح بقى بمين؟! في أول مناسبة 6 أكتوبر يبقى أنور السادات.. هو أنت لازم تركب أي حاجة!؟ ماينفعش تمشي على رجليك زي الناس.. لازم راكب كده؟! بس السادات دي وسعت منك أوي.. ولا يكون كمان حد قالك إنت شبهه؟!!.. وخدت تصريح إنك تعمل فيلم عن العبور وتقدم دور السادات دي تبقى حاجة سخيفة".