بالفيديو.. «معكم» يستضيف أصحاب فكرة دوري سواقين المواقف

استضافت الإعلامية منى الشاذلى خلال حلقة الليلة من برنامج "معكم" أصحاب فكرة "دوري سواقين المواقف"، وتحدث أحدهم عن الفكرة قائلًا "إحنا لما عملنا الفكرة دى حددنا واختارنا سواقين المواقف يعنى لا سواقين عشوائيين ولا سواق من غير رخصة ولا سواق بيشرب مخدرات والفكرة اتعملت للسواقين الملتزمين وروحنا جبنا السواقين من مواقفها مش حد ماشى من الشارع ودى خطوة بداية جمعنا بيها ناس ولاعيبة كورة وهنعمل نقابة".

وخلال الحلقة كشف الكابتن إبراهيم أمين صاحب فكرة "دوري سواقين المواقف" سبب تفكيره في الدوري، قائلًا "فكرت أجيب السواقين وأعمل لهم دوري ويلعبوا مع بعض وفى نفس الوقت بنقول لهم إنتوا ناس مننا يرفعون شعارات لا للتدخين والمخدرات والألفاظ الخادشة للحياء وبدأت أروح لنائب المحافظ ورحب بالفكرة وبعدها مدير مديرية الشباب والرياضة بباب الشعرية وبرضه كان مرحب لحد يوم الافتتاح وكنا خايفين أنه حد من اللاعيبه يقول لفظ مش مناسب مثلًا في وجود الناس الكبيرة اللى جايه".