اخبار السياسه أسامة كمال: أختلف مع السيسي.. و"إحنا عايشين على الحاجات اللي ربنا إداها لنا"

قال الإعلامي أسامة كمال إن أي شخص يقول كلمة دعم للسيسي أو الدولة يطلق عليه "مطبلاتي"، مضيفا: "أنا في حالة لا تسمح غير إني أقول اللي في قلبي واللي على لساني، قولوا اللي إنتوا عايزينه ومش فارقة".

وأوضح كمال، أثناء تقديم حلقة اليوم من برنامج "القاهرة 360" على قناة "القاهرة والناس"، أنه يختلف مع الرئيس السيسي في اعتبار أن تلك المرحلة "بناء وبقاء" قائلا: "يا سيادة الريس البناء والبقاء كلام مش حقيقي، أختلف معاك يا ريس كانت لازم تبقى مرحلة البقاء الأول ثم البناء، كانت لازم تبقى مرحلة بقاء في البداية لأن البقاء بقى صعب".

وأضاف الإعلامي قائلا: "إحنا واخدين بالنا إننا عايشين على حس الحاجات اللي ربنا إداها لنا من غير تعب أو اللي عملوها أجدادنا، موارد طبيعية وشواطئ للسياحة وآثار ونهر النيل ودمتم، ده تقريبا 90% من الدخل القومي وإحنا قاعدين".