وجهت الفنانة هنا شيحة رسالة للناقدة ماجدة خير الله عبر حسابها الرسمي على "فيس بوك"، قائلة: "الأستاذة المبجلة ماجدة خير الله تبرعت بنشر بوست على "فيس بوك"، يخصني ويخص علاقتي بأستاذي محمد خان، عن فيلم تسجيلي اتعمل من إنتاج "Ontv" وعن قد إيه هى مستغربة إن بطلات خان مش موجودين في الفيلم".
وأضافت "أعتقد أن أ ب صحافة إن حضرتك قبل ما تنشري حاجة لازم تتحري من المصدر ولا ايه؟، والرد اللي قالهولها المعد والمخرج المغمور أحمد فوزي، إن طلبت 100 ألف جنيه لتصوير 10 دقائق عن تجربتي مع الأستاذ خان".
متابعة "المعد والمخرج أحمد فوزي، أعتقد أن مدير أعمالي فهم حضرتك أن حالتي النفسية في وقت تصوير فيلمك كانت لا تسمح، وما طلبش فلوس أصلا، ودي حاجة مسئول عنها مدير أعمالي وتخص ظهوري الإعلامي في القنوات والأعمال الفنية ومليش علاقة بيها وده دوره ومتخصش حضرتك يا أستاذة من الأساس، والأهم محمد خان أكبر وأهم من فيلم تسجيلي يتجاب فيه ناس يتكلموا عنه، وهما أصلا كانوا مزعلينه في حياته ومش مهتمين بشغلهم معاه من الأساس".
واختتمت حديثها قائلة "أنا مش محتاجة أشرح وما كنتش ناوية أرد أصلا، بس في فرق كبير لما يكلمني الأستاذ الناقد أحمد شوقي ويطلب مني أكتب عن أستاذ خان في عز وجعي وصدمتي وأعملها من قلبي واعبر عن إحساسي بالفقد والآلم، ولما يكلمني معد برامج زنان عايز يتشهر والنَّاس تتكلم عن قد إيه هو بيحب خان، على فكرة خان مش محتاج حاجة، خان عارف مين بيحبه ومين كان بيتملقه، مش محتاج فيلم تسجيلي يتكلم عنه".
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
