مرتضى منصور:باسم يماطل إدارة الزمالك بخصوص تجديد عقده والنادي صنع اسمه

قال مرتضى منصور رئيس مجلس إدارة نادى الزمالك، إن باسم مرسى مهاجم الفريق الأول لكرة القدم يماطل إدارة النادى بخصوص التجديد للفريق الأبيض لعلمه بانتهاء عقده بنهاية الموسم الحالى .

وقال منصور فى تصريحات إذاعية، "باسم كان بيلعب مع الإنتاج الحربى ودا كان فريق درجة تانية، الزمالك من صنع اسمه وأعطاه الملايين، مينفعش حد فى مصر يضحك على مرتضى منصور ولا على نادى الزمالك، باسم قالى عند طلب التجديد إدينى 48 ساعة جايلى عقد من الصين انتظرته بعدها قالى ادينى أربعة أيام وأنا صدقته، بعدها قالى يوم الأحد الماضى. بعد يوم الأحد ما فات شكرًا جلس مع الكابتن إسماعيل وطلب التجديد بنهاية الموسم، معنديش لباسم غير اللعب مع الناشئين آخر ست شهور فى عقده ويورينى لو جاب 100 ألف جنيه" .

وأكمل حديثه قائلًا : " لو جالى باسم وطلب منى 6 ملايين فى الموسم وأول سنة كاش، أقسم بالله أعلقة من رجليه على باب النادى وبطله كورة، دا كان بياخد 10 آلاف جنيه مع الإنتاج وهو بيلعب بالنار والنار بتحرق".

واختتم بقوله : " لو باسم عايز إعارة هات عرض وامضى وامشى وكذلك الأمر لو بيع نهائى امضى علشان النادى يستفاد منه ماديًا الزمالك اللى صنع اسمه وبقى لاعب فى المنتخب ".
من طرف sadaa-elbalaad