كتب بهاء نبيل
قال الفنان حمادة هلال انه قطع اجازة سفره لزيارة الفنان احمد عدوية لإنى أعتبره والدى او أخ كبير وانا كلت فى بيته عيش وملح ، وزعله أثر فيا أوى وعشان كده جيت وقلتله ان بمشيئة الله البومه الجديد هايكسر الدنيا.
وتابع : عدوية فنان كبير وكلنا اتعلمنا منه وهنفضل نتعلم منه طول العمر وتاريخ كبير اوى ، والمود الحزين اساسه النجم أحمد عدوية.
وعن تصريح الموسيقار حلمى بكر بطلب اعتزال الفنان احمد عدوية ، قال ، عدوية فنان وبيعرف يغنى وبيمشى على الايقاع صح ، بس انا مقدرش اقولك صح كلامه او غلط لان حلمى بكر استاذ كبير ايضا
واضاف : انا بستمتع بصوت احمد عدوية لغاية دلوقتي وكل الناس بتحبه وكفاية انه صامد وشغال حتى الان ، وانا زيارتى دى مش عشان ازعل حد ، انا كل همى من الزيارة دى انى افرح الراجل ده اللى فتحلى بيته
جميع الحقوق محفوظة لمصدر الخبر اليوم السابع وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري