اخبار الفن ريهام أيمن ترد على جمهورها المطالب بصور واضحة لابنها

تحرص الممثلة ريهام أيمن وزوجها الممثل شريف رمزي على إخفاء وجه ابنهما رمزي في أي صور ينشرونها له عبر حساباتهما في مواقع التواصل الاجتماعي.

وبالطبع تأتي لهما الكثير من التعليقات من جمهورهم الذي يطالب بأن يرى صورة للصغير، والبعض الأخر الذي يظن أن ريهام تخاف من الحسد فلذلك هي لا تنشر صور له.

ولهذا خرجت ريهام لترد على كل من يسألها عن صورة واضحة لابنها وأكدت أنها لا تخاف من الحسد ولكن كل ما في الموضوع أنها تترك لابنها حق الاختيار إن أراد عندما يكبر أن يصبح مشهور أو ينشر صور له، وتسألت إن كانت تطلب من أحد أن ترى صورة لأسرته وطالبت بعدم التدخل في حياة كل شخص.

ونشرتريهام صورة لها مع زوجها وهو يحمل ابنهما الصغير دون أن يظهر وجهه وكتبت تعليقا عليهت: "هو أنا بطلب أشوف ولاد أي حد فيكو أو ولاد أي مشاهير حتي أكيد لأ عشان مش من حقي، لما تحب فنان انت بتحبه هو لفنه و أعماله اللي بتشوفها و لما تحب تشوف صور هتبقي ليه هو مش لولاده انا ابني مش فنان ولا مشهور عشان تحبو تشوفو صور ليه علي صفحتي أنا.. لما يكبر و هو ياخد قرار انه عايز يبقي مشهور هتشوفو صور ليه علي صفحته الشخصية إن شاء الله، لكن انا مبخفش من الحسد و مفيش حد هيحسد فنان بيحبه بالعكس هيفرحله و يتمناله الخير هو و ولاده و ده اللي انا متأكده منه، ياريت و انت بتكتب تعليق لأي فنان حط نفسك مكانه الاول هتلاقي ان انت نفسك متقبلش حد يقولك تعمل ايه و متعملش ايه في حياتك الشخصية بمعني أدق الغير فنية و إن ده الأكاونت بتاعك انت تنزل اللي انت عاوزه طالما مش بتضر حد و اللي مش عجبه حاجة او مستفز من شئ بسيطة بس يعمل unfollow اسهل من انه يكتب تعليق، ربنا يخليلكو ولادكو اللي أكيد كلهم حلوين أوى و يحفظهم لكم دايماً من كل شر و يشفي كل الأطفال المرضي و يعين اهاليهم أمين يا رب....مع حبي و احترامي للجميع".

وتنتظر ريهام قدوم طفلها الثاني والذي كشفت عن حملها فيه مؤخرا، وكانت ريهام استبلت طفلها الأول رمزي في مارس 2016.

اشترك فى النشرة البريدية لتحصل على اهم الاخبار بمجرد نشرها

تابعنا على مواقع التواصل الاجتماعى