علق الفنان ياسر جلال، على برنامج شقيقه "رامز تحت الأرض" المذاع خلال شهر رمضان.
وقال ياسر، خلال حواره مع قناة النهار: "رامز أخويا وحبيبي، وأبونا غرس فينا حبنا وعشقنا لبعض، ومحبش نجاح مسلسلي واللى أنا فيه يكون أداة للهجوم على رامز، لأن رامز فنان ونجم كبير ومحبوب في العالم العربي كله، وشهرته تجاوزت العالم العربي بل للدول الأوروبية، ويقدم لون معين "برامج" وأنا بعمل مسلسل مفيش وجه مقارنة، والعالم كله بيقدم هذه النوعية من البرامج وحتى في مصر على يد نجوم كبار مثل الكاميرا الخفية زمان، والمشاهدة أذواق".
وأضاف "ده أكل عيشه وأنا أحييه عليه، والناس بتزعل منه وبيصالحهم، لكن في الآخر الناس بيحبوه وفي النهاية الحلقة بتتذاع والناس مبسوطين، وأنا بالنسبالي مش شايف مشكلة في الموضوع".
وتابع ياسر "أنا ماليش في الظهور في الإعلام، ومش متحدث جيد، ومتعتى ليست في الشهرة والنجومية أو المادة ولكن في تخريج الطاقة اللي جوايا ناحية مهنتي، سواء في مسلسل أو فيلم، والإحساس بالخجل مش عيب، ولما أعمل دور أو عمل ما أحب أتقنه عشان اللى قدامي مايلومنيش أو يحرجني".
جميع الحقوق محفوظة لمصدر الخبر الوطن وتحت مسؤليتة ونرجوا متابعتنا بأستمرار لمعرفة أخر الأخبار علي مدار الساعة مع تحيات موقع موجز نيوز الأخباري
