شهدت الساعات الماضية، انتقادات كبيرة من قبل بعض نجوم النادي الأهلي السابقين للسويسري مارسيل كولر، المدير الفني للفريق الأول لكرة القدم بالقلعة الحمراء، بعد مباراة الهلال السوداني في ذهاب ربع نهائي دوري أبطال إفريقيا، رغم تحقيق الأحمر الفوز بهدف نظيف.

تصريحات نارية من أسامة حسني ضد كولر

قال أسامة حسني مهاجم النادي الأهلي السابق في تصريحات تليفزيونية: «هناك علامات استفهام كثيرة على تغييرات كولر، تخيل ليك 5 تغييرات متستفيدش غير بتغييرتين منهم، إحنا كل شوية وإحنا بنتفرج نلاقي حاجة غريبة أشرف بن شرقي شوية في اليمين وشوية في الشمال، وبعدين في اليمين تاني وبعدين في الشمال تاني».

وأضاف مهاجم الأحمر منتقدا كولر: «تحس إن مفيش ثبات في المراكز، اللاعيبة اللي ماراحتش منتخبات قعدت شهر مبتلعبش، كان ممكن يتجهزوا بشكل أفضل من كده».

هاني رمزي يهاجم كولر بعد مباراة الأهلي والهلال

انتقد هاني رمزي، تعامل كولر مع لقاء الهلال السوداني: «تغييرات متأخرة جدا، اللعيبة بدنيا مش واقفين على رجلهم بشكل كويس، ماينفعش لعيب مابيلعبش تديله إجازة 10 و15 يوم، اللاعيبة اللي ماراحتش منتخبات كان على الأقل يلعبوا ماتشين وديين».

وتابع: «ماينفعش تدي 10 أيام إجازة، وبعدين ترجع الفرقة وتدي يومين إجازة وترجعهم تاني، الأهلي بدنيا مش واقف على رجله الشوط التاني، ده مش قرآن وإنجيل أنك بتغير في الدقيقة 75 من الشوط التاني، مش محتاجين إجازات تاني الأسبوع ده».