هاجم الإعلامي أحمد شوبير مسؤولي الزمالك، بعد سحب المسؤولين أرض النادي في مدينة 6 أكتوبر خلال الفترة الماضية.
وقال شوبير، في تصريحات إذاعية:«الزمالك عشان قوته وجماهيريته، الدولة صبرت كتير جدا عليه، وفي غلط من إدارة الزمالك شيء مؤكد في غلط، وفي ناس من الدولة بتحاول تحل دا حقيقي لأن دا دورهم».
وتابع: «بس أنا شايف اللي يساعد هما بتوع الزمالك سواء في كلامهم في التزامهم في انضباطهم، هل كلام دا فيه حاجة غلط!؟».
وأضاف: «أنت النهاردة كزملكاوي بتدخل الأهلي في جملة مفيدة ليه، الأهلي الموافقات اللي بيأخدها بيشتغل عليها، والدولة لا تتكاسل طول ما أنت شغال، والأهلي شغال بإيده واسنانه».
وواصل: «الأهلي كان عنده معوقات في فرع زايد والرئيس اللي تدخل، انت عندك مشكلة خليك فيها ايه علاقتك بالأهلي، ناس بتقولك الأهلي بني فرع التجمع الخامس من شغله وفلوسه وتعبه رؤساء سلمت روساء واشتغلوا ما بين الفروع اللي في التجمع وزايد ومدينة نصر والجزيرة، انت قضيتك هي نفسك متدخلش في قضايا فرعية خليك في حالك».
