علق الناقد الرياضي عمرو الدردير على تهديد أحمد سليمان عضو مجلس إدارة الزمالك ، بحرمان المنتخب من لاعبي الفريق بعد عدم مشاركة عواد في لقاء بوتسوانا بتصفيات كأس الأمم الإفريقية.
وكتب الدردير عبر حسابه الشخصي على فيسبوك: "الأهلي علي مدار تاريخه بمختلف الرؤساء والمسوؤلين بيهدد كل سنه بعدم إرسال لاعبيه إلي منتخب مصر ولم يجرؤ احد علي توبيخ مسوؤلي الاهلي أو الاعتراض أو حتى مجرد النقاش في الأمر في حين ان لما الزمالك ولأول مره هدد بهذا الأمر الإعلام جعلنا نشعر ويكأننا من أهل قـريـش ؟؟".
تصريحات أحمد سليمان عن عدم مشاركة محمد عواد
وقال أحمد سليمان خلال تصريحات تلفزيونية مع الإعلامي مهيب عبد الهادي: " أنت واخد لاعيبة الزمالك عشان تركنها علي الدكة وتلمع علي حسابها لاعيبة الاهلي الكلام ده مينفعش واحنا مش هنوافق عليه”.
وتابع: “عواد ميلعبش ليه وهو مساهم في بطولتين ونادي تاني تاخد منه أتنين لعيبة في مركز واحد، حسام عبد المجيد يلعب تلت ساعة ليه! وهوا بالارقام وبكل حاجه أفضل مدافع في مصر الان عمر جابر منضمش للمنتخب ليه”.
وأضاف: “لو الموضوع هيمشي بالمجاملات خلاص لعيبة الزمالك لازم نحافظ عليهم وهقدم طلب لمجلس الإدارة بمنع اللعيبة من الإنضمام للمنتخب”.
وأكمل: “أنا هقدم طلب للجنة الكورة في النادي اننا ننظر في إرسال لاعيبتنا للمنتخب الوطني لو دي الطريقة اللي هيدار بيها المنتخب”.
وأضاف: “حصلت قبل كده عصام الحضري اعتذر عن المنتخب سنة كاملة وكان بيلعب في الأهلي وإفريقيا وعادي و كان الأهلي موافق”.
واختتم: “أنا كمان من حقي ابص لمصلحة لاعيبتي .. مش هينفع اللاعيبة تروح المنتخب و ترجع نفسيتها تعبانة بسبب التمييز اللي حصل انا مش هسكت علي اللي حصل ده”.
