حذر أحمد شوبير حارس مرمى الأهلي ومنتخب مصر السابق من نغمة الاستهانة بمجموعة الأهلي في بطولة كأس العالم للأندية بثوبها الجديد في 2025 بالولايات المتحدة الأمريكية.

وأوقعت القرعة الأهلي في المجموعة الأولى رفقة بالميراس البرازيلي وبورتو البرتغالي وإنتر ميامي الأمريكي.

اقرأ أيضًا: «كان سري ليه هي الحاجات دي فيها شماتة».. شوبير ينتقد افتتاح متحف نادي الزمالك

وقال أحمد شوبير: «مش عارف ليه نغمة الاستهانة بمجموعة الأهلي في كأس العالم للأندية، بالميراس زيه زي بوتافوجو بطل اليبرتادوريس وبورتو من أقوى الفرق في أوروبا حتى لو مبياخدش بطولة أوروبا لكنه فريق قوي جدا وقيمته التسويقية 11 مرة ضعف قيمة الأهلي التسويقية، فحضرتك ليه مستهين قوي ببورتو وبوتافوجو وبإنتر ميامي اللي بيضم ميسي وسواريز وبوسكيتس».

وتابع شوبير: «اه إحنا فرحانيين بتواجد الأهلي في القرعة وحديث العالم عنه بس أنا الحقيقة مندهش من اللي بيتقال حضرتك أوعى تنسى أنك بتلعب في كأس العالم، ايه الاستسهال ده».

وأضاف شوبير: «أنا معاك اه لازم ندي الاهلي ثقة بس لازم تعرف إن أنت مش كيف بكتف مع بورتو ولا بوتافوجو بس أنت ممكن يبقى كتف أعلى من كتف بالإجتهاد والتصميم والإصرار والتركيز».