تحدث أحمد حسام ميدو، نجم الزمالك السابق، عن تفوق الأهلي على نظيره بيراميدز، نفسيًا وفنيًا في المباراة الأخيرة التي جمعت بين الفريقين، وحسمها الأحمر.

وانتصر الأهلي الإثنين الماضي على بيراميدز، بهدف نظيف، في الجولة 31 من بطولة الدوري المصري، على استاد الدفاع الجوي.

وقال ميدو في تصريحات عبر قناة «أون تايم سبورتس 2»: «بيراميدز مبيعرفش يكمل في الآخر لأن الموضوع خبرة، التعامل مع الضغوط في تمرس عند الأهلي والزمالك. ازاي أنا اصدرلك مشاكل واخرجك من منطقة الراحة بتاعتك».

وأضاف: «الأهلي عمل معاهم، كدة الناحية التانية بيراميدز بدل ما يدخل في القصة بالراحة ويخف الضغوط عنه اتجروا للعبة والأهلي أذكياء واستغلوا موقف التذاكر وحط بيراميدز تحت ضغوط».

وأكمل: «الأهلي متمرس فيها واللي لما بيحاول يعملها مع الزمالك مبيعرفش. الزمالك جامدين ومتمرسين».

وأتم: «الزمالك ملوش دعوة بالقصة، بس الناس لازم تعرف إن الزمالك جامد أوي ويعرف ينافس بالشكل ده، ولسة واقف على رجله بيحارب، الزمالك جامد وبيجمد».