انتقد الإعلامي أحمد شوبير حارس مرمى الأهلي ومنتخب مصر السابق الهالة الدائرة حول صفقة الزمالك المرتقبة اللاعب الإنجليزي صاحب الأصول النيجيرية أوفي إيجاريا.
وقال أحمد شوبير: «في الزمالك كل الكلام دلوقتي عن الصفقة الجديدة للاعب النيجيري اللي بيحمل الجنسية الإنجليزية أوفي إيجاريا، هو ممكن يكون لاعيب كويس بس مش كل حد عدى على ليفربول قال سلامو عليكوا نقول لعب في ليفربول».
اقرأ أيضًا: «دردشة خانه فيها التعبير والدنيا اتقلبت».. شوبير عن أزمة القندوسي في الأهلي
وأوضح شوبير: «وأنا قلت قبل كده في موضوع راموس إنه جاي الزمالك إنه تكرار لصفقة رونالدينيو زمان، فبلاش تبيعوا الوهم للجماهير، لإن الناس طيبة وبتحب فريقها جدا».
وأضاف شوبير: «هو لاعيب ادرب مع جوميز قبل كده في نادي ريدينج الإنجليزي وبيلعب جناح شمال، والانقسام حوله يتمثل في إنه لاعيب غير ملتزم أخر مباراة رسمية له كانت من سنة ونص وتم رفض التعاقد معه مؤخرا من عدة أندية إنجليزية».
واختتم شوبير: «وفقا للتقارير في الساعات اللي فاتت من المنتظر أن يصل اليوم أو غدا للخضوع للكشف الطبي والاختبار في الزمالك اللي قد يكون فرصة أخيرة للاعب لاكتشاف نفسه من جديد».
أوفي إيجاريا
