وجه الإعلامي أحمد شوبير حارس مرمى الأهلي ومنتخب مصر السابق رسالة مهمة إلى جماهير النادي الأهلي بسبب حالة الجدل عبر وسائل التواصل الاجتماعي المختلفة بسبب صفقات الفريق الكروي الأول بالنادي في الموسم الجديد.

وقال أحمد شوبير في تصريحات إذاعية صباح اليوم الثلاثاء: «عايز أروح للجمهور والناس تقول إيه ده احنا جبنا 5 صفقات بس أو 6 صفقات أو أكثر أو أقل، حضرتك بتنسى إن السنة اللي فاتت الأهلي خد دوري وكاس وسوبر محلي ودوري أبطال أفريقيا وغيرها من البطولات وكل ده بلاعيبة موجودة حاليا فمفيش نقص كثير في الفريق».

اقرأ أيضًا: نجم الأهلي السابق: تألق ربيعة يذكرني بتفوق ثابت البطل على شوبير

وتابع شوبير: «السنة اللي فاتت الأهلي عمل ميركاتو وجاب إمام عاشور ووسام أبوعلي هتقول لي خرج من الفريق اليو ديانج وأحمد عبدالقادر وكريستو وكمان أصيب على معلول».

وأضاف شوبير: «وبعدين يقول لك الناشئين فين ولو صعّدت ناشئين يقول لك الصفقات فين، طيب هتيجي ازاي بقه».

واختتم شوبير: «رسالتي لجماهير الأهلي أن تثق في الإدارة الناس اللي بتدير النادي، وبعدين لما أجيب صفقات ولاعيبة من بره على اللاعيبة اللي جايبة البطولات دي كلها مش ده هيعمل مشاكل لو ركنت أصحاب البطولات دول على الدكة».