رد الإعلامي أحمد شوبير حارس مرمى الأهلي ومنتخب مصر السابق على مطالب البعض برحيل حسام حسن المدير الفني لمنتخب مصر الأول لكرة القدم عن تدريب الفراعنة.
وقال أحمد شوبير: «كان عندنا مدرب اسمه كارلوس كيروش، وكيروش عمل للكرة القدم المصرية خدمة بعد سنين الناس هتعرفها يكفي إنه جاب محمد عبدالمنعم وجاب عمر مرموش وجاب عيال صغيرين وصنع جيلا رائعا ووصل إلى نهائي بطولة كأس الأمم الأفريقية ولولا سوء الحظ لفاز بالبطولة».
اقرأ أيضًا: «ليه مش من حقه يترشح».. شوبير تعليقا على خوض مجدي عبدالغني انتخابات اتحاد الكرة
وتابع شوبير: «وفي تصفيات كأس العالم خسر كيروش أمام السنغال بركلات الترجيح أيضًا ويومها أفضل اثنين في منتخب مصر بيلعبوا ركلات ترجيح محمد صلاح وزيزو ضيعوا، وبعدها كان القرار الكارثي بالاستغناء عن كيروش واللي بندفع ثمنه حتى الآن».
وأوضح شوبير: «حسام حسن ماشي على نهج كيروش فأعطوا له الفرصة وخلوه يشتغل خلاص كيروش مشي مش هيرجع تاني وعلى فكرة جات له عروض كتيرة وبيرفضها».
وأضاف: «ياريت ندي حسام حسن الفرصة وخلوه يشتغل عشان لقيت واحد كاتب إمبارح أول قرارات مجلس إدارة اتحاد الكرة الجديد حسام ومش عارف إيه هو ده ينفع يا جماعة».
